主页 > 讯息生科 >3D Touch进阶用法:比较重量 >

3D Touch进阶用法:比较重量

2020-06-05 阅读(7316)
3D Touch进阶用法:比较重量

3D Touch屏幕识感压,引来唔少用家FF佢可唔可以当电子磅用。实际磅重暂时做唔到,不过已经有人编写出类似应用程式,分辨出几件物体边个重啲。

正常秤重时,物体愈重,对电子磅造成的压力愈大,如是者既然3D Touch识分辨指压力度,只要搵到方法将佢转化为数字就得。Plum-O-Meter程式开发者Simon Gladman谂到将压力化以百分比显示,并活用多点感应功能,放两粒西梅落芒,底下会出现两个依照实物大小绘画的圆圈,较重嘅会呈黄色。

除咗西梅,用家亦可试磅其他物体,不过以体积小为佳,否则随时压爆芒,轻到屏幕feel唔到亦唔得(Gladman试过用提子,但太轻失败咗)。由于3D Touch最多可感应五点压力,理论上Plum-O-Meter能够同时比较五件物体重量。至于做乜唔直接出磅数,Gladman话咁有难度,不过已经订好材料準备继续研究。Plum-O-Meter为开源程式,想试吓实际效果可以到GitHub下载程式码。

上一篇: 下一篇: